ທ່ານທູດຄຳສວຍ ຍື່ນສານຕາຕັ້ງ

ທ່ານທູດຄຳສວຍ ແກ້ວດາລາວົງ ໄດ້ຍື່ນສານຕາຕັ້ງຕໍ່ພະນະທ່ານ ນາງ ປັກກຶນເຮ, ປະທານາທິບໍດີສ.ເກົາຫລີ ໃນວັນທີ 7/7/2015, ທີ່ ສຳນັກງານປະທານາທິບໍດີ (Blue House), ນະຄອນຫລວງເຊອູນ, ເພື່ອດຳລົງຕຳແຫນ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ຄົນໃຫມ່ ປະຈຳ ສ.ເກົາຫລີ. ພາຍຫລັງທີ່ໄດ້ເປີດສະຖານທູດລາວ ທີ່ເຊອູນ ໃນປີ 2001 ເປັນຕົ້ນມາ ໄດ້ມີທູດລາວປະຈຳສ.ເກົາຫລີ 4 ທ່ານ ຄື: 1. ທ່ານທູດທົງສະຫວັດ ປະເສີດ, 2. ທ່ານທູດສຸກຖາວອນ ແກ້ວລາ, 3. ທ່ານທູດຄຳຫລ້າ ໄຊຍະຈັກ, ແລະ 4. ທ່ານທູດຄຳສວຍ ແກ້ວດາລາວົງ, ເອກອັກຄະລັດຖະທູດລາວ ຄົນປັດຈຸບັນ.