ທ່ານທູດລາວ ເຂົ້າຮ່ວມພິທີເປີດງານວາງສະແດງສິລະປະອາຊຽນ
ໃນຕອນເຊົ້າວັນທີ 25 ກໍລະກົດ 2017, ທ່ານເອກອັກຄະລັດຖະທູດ ຄຳສວຍ ແກ້ວດາລາວົງ ໄດ້ເຂົ້າຮ່ວມພິທີເປີດງານວາງສະແດງສິລະປະອາຊຽນ ປີ 2017 (ASEAN Art Exhibition 2017) ຮ່ວມກັບບັນດາທູດອາຊຽນ ແລະ ເລຂາທິການໃຫຍ່ອາຊຽນ-ເກົາຫລີ ເຊິ່ງຈັດໂດຍສູນອາຊຽນ-ເກົາຫລີ. ງານວາງສະແດງດັ່ງກ່າວນີ້ແມ່ນຈັດຂຶ້ນເປັນຄັ້ງທຳອິດ ເພື່ອເປັນການເຜີຍແຜ່ ແລະ ໂຄສະນາຜົນງານຮູບພາບຂອງນັກນັກສິນລະປະ (ນັກແຕ້ມຮູບ) ຂອງປະເທດອາຊຽນຈຳນວນ 30 ຮູບ, ໂດຍຮ່ວມວາງສະແດງກັບຮູບພາບຈາກປະເທດອື່ນໆ ລວມທັງ ສ.ເກົາຫລີ ຢູ່ໃນສູນວາງສະແດງ Dongdaemun Design Plaza (DDP) ທີ່ ເຊອູນ. ງານໃນຄັ້ງນີ້ ຕາງຫນ້າອາຊຽນປະເທດມີພຽງປະເທດ 01 ຄົນ ເຂົ້າຮ່ວມເພື່ອອະທິບາຍກ່ຽວກັບຜົນງານຂອງຕົນ ແລະ ຮ່ວມກອງປະຊຸມສຳມະນາກ່ຽວກັບສິລະປະ ລະຫວ່າງ ອາຊຽນ ແລະ ສ.ເກົາຫລີ, ທັງນີ້ກໍ່ເພື່ອເປັນການສະເຫລີມສະຫລອງປີແລກປ່ຽນວັດທະນະທຳອາຊຽນ-ເກົາຫລີ ແລະ ອາຊຽນ ຄົບຮອບ 50 ປີ. ສຳລັບຜົນງານຂອງ ສປປ ລາວ ແມ່ນໄດ້ຮັບຄວາມສົນໃຈຫລາຍຈາກຜູ້ເຂົ້າຮ່ວມຊົມ.
